EAG 21 - JARDUNALDI TEKNIKOAK 2013-2014

JARDUNALDI TEKNIKOAK 2013-2014

AZTARNA EKOLOGIKOA MURRIZTEKO AHOLKUEI BURUZKO HITZALDIAK

Ikasturte honetan, Portugaleteko ikastetxeak  Eskolako Agenda 21 programan Aztarna Ekologikoa lantzen ari dira. Hori dela eta, martxoaren 26an nola murriztu Aztarna Ekologikoari buruzko hiru hitzaldi egon ziren. 2005-2006 ikasturtean, udalerriko ikastetxeak Eskolako Agenda 21 programan parte hartzen hasi zirenetik, hainbat gai landu dituzte;, hondakinak, ura, energia eta Kontsumo Arduratsua, besteak beste. Era berean, ikastetxeen kudeaketa hobetzeko, aztertutako eta aipatutako gaiei buruzko ekintza asko martxan jarri dira.

Kanpazar ikastetxetik 4. eta 5. mailetako proiektuaren ordezkariek parte hartu zuten entzule bezala eta galdera batzuk erantzuten.

Hauek ziren partehartzaileak:

- Maren Buruaga

- Aimar Dominguez

- Asier Laguna

- Ekain Ramos

- Ixone Díez

- Jon Ander Gutiérrez

 


 

Conchik, Udaleko Ingurugiro Teknikariak eta Itziarrek, Ingurumen Sailekoak aurkezpena egin zuten jardunaldiko hitzaldiak hasi baino lehenago.

  

Bego Cachok, Portugaletekoa, Aztarna Ekologikoa murrizteko, guztiok egin ditzakegun eguneroko ohituretan oinarritu zuen hitzaldia. Begok, etxean, lanpostuan edota kalean praktikan jartzeko ekintzak azaldu zituen. Ekintza hauek, hondakin, ur, energia, erosketa eta garraioekin zerikusiak dituzte.

 

Jarraian, Augusto Gonzalezek, berrerabilitako elementuekin egindako musika tresnen fabrikazioaz hitz egin zuen. Han bertan, musika-tresna batzuk ikusteko aukera izan zuten ikasleek, adibidez, oliozko lata batekin egindako bere lehenengo gitarra. Sortzeko erabiltzen dituen elementu guztiak berrerabilitakoak dira. Gainera, bere musika-tresnek daukaten soinuak erakutsi zituen.

Azkenik, Koopera-Rezikleta-n lan egiten duen Terese Herasek, biltzen dituzten hondakinen kudeaketa azaldu zuen. Hondakin hauek dira: arropa, liburuak, jostailuak eta aparatu elektroniko txikiak. Kasu gehienetan, bizitza berria ematen zaie eta apurtuta edo txarto dauden materialak birziklatzera eramaten dira.

 

Aurten, jardunaldiak bukatu eta geroko ebaluazioan ez da papera erabili, beste metodo bat prestatu dute eta. Semaforo batean bezala, 3 koloretako zotzak zeuden eta bakoitzak aukeratu eta sartu behar zuen nahi zuen kolorea kutxa ezberdinetan iritzia adierazteko. 5 galdera erantzun behar ziren zotzekin:

-Berdea = ondo

-Horia = normal

-Gorria = hobetu beharra